RSS Feed
Twitter
Monday, February 13, 2012
Admin
नायक राजेश हमालको प्रेमिका छन् भन्ने त सबैलाई थाहा छ तर उनको प्रेमिकाको बारेमा धेरैथरी कुराहरु बाहिर आएका छन् । तर उनले आजसम्म पनि आफ्नो प्रेमिकालाई सार्बजनिक भने गरेका छैनन् ।
यतिबेला नायक हमाल महोत्सवमा भाग लिन त व्यस्त छन् नै यसका अलवा उनी सिनेमाको छायांकनबाट पनि फुर्सद निकाल्न सकिरहेका छैनन् । सिनेमाको छायांकनबाट फुर्सद लिन नपाएकाले पनि उनले प्रेमिकालाई समय दिन सकिरहेका छैनन् ।
आखिर महानायक भ्यालेनटनटाईन डे को अवसरमा के योजना बनाउँदै छन् त ? यो सबैका लागि पनि धेरै नै कौतुहल लागेको हुन सक्छ । नायक राजेश हमालले गत बर्ष एक युवतीसँग भेट्न लागेको रहस्य खोलेका थिए । तर यो बर्ष उनको भ्यालनेटाईनको योजनाबारेमा खासै समाचार भने बाहिर आएका छैनन् । यसै क्रममा हामीले नायक राजेश हमालको भ्यालनेटाईन बिशेष योजना पत्ता लगाएका छौं ।
नायक हमाल यतिबेला चलचित्र ‘किन किन’को छायांकनका क्रममा बनेपामा रहेका छन् । उनी, दुई सेड्युलमा काम पनि गरिरहेका छन् । यही सेड्युलबाट समय निकालेर नायक हमाल भ्यालेनटाईनको दिन आफ्नो प्रेमिकालाई भेट्ने योजना बनाईरहेका छन् । प्रेम दिवसको अवसरमा पनि प्रेमिकालाई नभेट्दा प्रेमिका रिसाउने डर यी नायकलाई पक्कै पनि छ । यसैले पनि उनी पे्रमिकालाई यो दिनमा भेट्ने योजनामा रहेको श्रोतले वताएको छ । नायक राजेश हमालले मंगलबार प्रेम दिवसको अवसरमा आफ्नी प्रेमिकालाई बेलुकी ६ बजे भेट्ने योजना बनाएका छन् ।
नायक हमाल र उनकी प्रेमिकाबीच बालुवाटारमा रहेको रेड हाउस क्याफेमा भेट हँुदैछ । यि दुईले यही क्याफेमा प्रेम दिवस मनाउनेछन् । प्रेमिकाका लागि नायक हमालले व्यस्त सेड्युलका बाबजुत पनि समय निकालेको बुझिएको छ । हमालले प्रेमिकालाई केही गिफ्ट दिने सोच त बनाएका छन् । तर उनले के गिफ्ट दिन्छन् भन्ने यसै भनिहाल्न सकिँदैन ।
जे होस्, हमाल र उनकी प्रेमिका क्याफेमा प्रेम दिवसको रोमान्स गर्नेछन् । ५० उमेर भन्दा माथी रहेका हमालको यो रोमान्स कहिले बिबाहमा परिणत हुने हो, यसबारेमा पनि आफ्नै खालका टिप्पणी आएका छन् । प्रेमिकासँग डेटिङ नै गरेर रमाईरहेका हमाललाई बिहे गर्ने सोच अझै नआएको हो कि ?
